ओंकार प्रधान रुप गणेशाचे |        हे तिन्ही देवांचे जन्मस्थान ||धृ||
       अकार तो ब्रम्हा, उकार तो विष्णू  |       मकार महेश जाणियेला ||१||
       असे तिन्ही देव जेथोनि उत्पन्न |        तो हा गजानन मायबाप ||२||
       तुका म्हणे ऐसी आहे वेदवाणी |        पहावी पुराणी व्यासाचिया ||३||

 

 

आले देवाचीच्या मना तेथे कोणाचे चालेना ||
      हरिश्चंद्र ताराराणी वाहे डोंबाघरी पाणी ||
      पांडावांचा साहाकारी राज्यावरोनि केले दुरी ||
      तुका म्हणे उगी रहावे जे जे होईल ते ते पहावे ||

 

 

वेदांचा तो अर्थ आम्हासीच ठावा |        येरांनी वाहावा भार माथा ||
       खादल्याची गोडी देखिल्यासी नाही |        भार धन वाही मजूरीचे ||
       उत्पीतीपाळण संहाराचे निज |        जेणे नेले बीज त्याचे हाती ||
       तुका म्हणे आम्हा सापडले मूळ |        आपणची फळ आले हाता ||